Wouter Wouter sBonten soen voer hem selven ende voer
Jenneken Cornelis sBonten dochter ende voer Nijcol? soen Embrecht Wouter sBonten
dochter die Wouter voers voer gheloeft heeft heeft gheloeft als een principael
sculder hem te gelden ende te betalen Peteren Crillaerts tweijntich lopen rogge
jaerlics ende erfflics pachs alle jaer te gelden ende te betalen op Onser Vrouwe
dach Lichtmisse uit ende van een huijs hoff met sijne gronde ende toebehoerten
vier lopensaet vel circiter (of daar omtrent) gelegen in die parochie van
Tilborch ter plaetse gheheijten Hoeve tussen erffe Willem sBeren deen sijde ende
tussen erffe Wouter Jan sBonten dander sijde streckende vande erffe Meeus Jan
Meeus totte gemeijnde strate toe Item noch uit een stuck erffs drie lopensaet
vel circiter (of daar omtrent) gelegen aldaer tussen erffe Meeus Peter Meeus
deen sijde ende tussen erffe Wouter Jans sBonten dander sijde ende deen eijnde hoedende aen die gemeijn straet Item noch
uit een stuck lands vier lopensaet vel circiter (of daar omtrent) gheheijten den
Valen Acker in die Stert Hoeve gelegen tussen erffe Meeus Peter Meeus deen sijde
ende tussen Willem sBeren kijnderen streckende vande erffe Gherit Jan
Hagaerts totte ghemeijnt toe als hij seede et promisit warandiam (en heeft
beloofd te waren) die onderpanden goet te maken den xxi aprilis scabini Vels,
Elen.