Cont sij enijeghelijcken want Jan Adriaens Smolders zoen
wittelijcken gecocht ende vercregen hadde een stuck lands ii lopensaet vel
circiter (of daar omtrent) begrijpende ghelegen inde parochie van Tilborch
gheijten die Teetenbraeck tegen die wittige kijnderen wilner (wijlen) Jan Jacops
zoen van Son, op welck stuck lands voers Jannen voers op ghegroet ende benoept
waert twee penningen erffchijns den heer van Tilborch daer uit te vergelden nae
inhout sijne scepenen brieff daer voer aff ghemaeckt etc hier om is ghestaen
voer ons scepenen onderghescreven Gherit Herman Heijsten zoen ut tutor (als
voogd) Aleijte sijns wijffs dochter wilner Jan Jacops zoen van Son voers ende
heeft ontfangen? ende aenghenomen jaerlijcken ende erffelijcken te gelden ende
te betalen die voers twee penningen erffchijns den heer van Tilborch et promisit
super se et bona sua (en heeft beloofd op zich en zijn goederen) die voers twee
daer alsoe te gelden ende te betalen datten voers Janne Adriaen Smolders zoen
nimmermeer crot hijnder off scaij aff comen en sal op sijn erffe ofte
goeden ende alle commer daer op comende aff te doen date x junij scabini
Aelwijns, Vessem anno viii.