Bartholomeeus ende Jan ghebruederen ende Wouter Peter
Willem Gherits ut tutor (als voogd) Mechtelden sijns wijffs kijnderen wilner
(wijlen) Peter Meeus zoen die Peter vercregen hadde bij Elijszabette Jan Reijnen
dochter een halff mud rogge jaerlics ende erffelics pachs hen toebehoerende uit
ende van eenen erffpacht van eenen mud rogge erffpachs alle jaer te gelden ende
te betalen op Ons Vrouwe dach purificatio uit ende van twee stucken lands sess
lopensaet off daer omtrent begrijpende ghelegen inde parochie van Tilborch ter
plaetsen geheijten aen die Hasselt in een plaetse geheijten Sterts Hoeve, dat
een stuck ghelegen tussen erffe Jan zoen wilner (wijlen) Bartholomeeus
geheijten Roeij Gherits deen sijde ende tussen erffe Ghijsbrecht zoen
wilner (wijlen) Peter geheijten Roij Gherits dander sijde Item dat ander stuck
ghelegen tussen erffe Ghijsbrechts voers deen sijde ende tussen erffe Jans voers
dander sijde ende welck helft vande mud rogge erffpachs voers Bertholomeeusen,
Janne ende Wouter voers aencomen ende verstorven is van wilner (wijlen)
Engelberen dochter wilner (wijlen) Jan Reijners zoen, ende die voers Engelberen
dat heel mud rogge gecocht ende vercregen heeft van Jannen Lauwreijsen ende
Willem gebroeders kijnderen wilner (wijlen) Thomaes Claus zoen die Thomaes
vercregen hadde bij Peter dochter wilner (wijlen) Ghijsbrecht die Ridder ende
henne mede zwagers ende susteren ende welck heel mud rogge erffpachs voers
Ghijsbrecht die Ridder voers erffelijcke gecocht ende vercregen heeft van
Pauwels zoen wilner (wijlen) Peter geheiten Roij Gerits ut patet in literis de
Busco Ducq (zoals blijkt uit brieven van den Bosch) supportaverunt (hebben
overgegeven) Ghijsbrechten zoen wilner (wijlen) Jans Vermee simul
cum literis et promisit (samen met de brieven en heeft beloofd) dat
opdragen overgheven altijt vast ende stentich te houwe ende allen commer van
hennen weege ende van henne mede erffgenamen weege altemael aff te doen den
selven datum op Sinte Peters ende Paulus dach Apostelen scabini Berijs, Vet anno
xiiii.