Cont sij eenen enijegelijcken dat comen sijn voer
ons scepenen onderghescreven Henrick ende Peter ghebruederen zoenen wilner
(wijlen) Willems die Beer, Gherit Ghijsbert van Boerden ut tutor (als
voogd) Heijlwig sijns wijffs ende Engelbere haer suster cum tutore (met haar
voogd) dochteren wilner (wijlen) Willems die Beer voers die Willem vercregen
hadde bij Jacoppen dochter wilner (wijlen) Peter Mutsaerts, hebben met hen
een erffdeijllinghe ende erffscheijdinghe, ghemackt ende ghedaen, bij raeij van
henne vrienden, van alsulcken erffelijcke goeden, als hier nae ghescreven staen,
Overmidts welcke
erffdeijllinghe ende erffscheijdinghe wille soe sal Henrick voers hebben houwen
ende erffelijcken besitten een stuck lands viii lopensaet vel circiter (of
daar omtrent) begrijpende gelegen inde parochie van Tilborch ter stede geheijten
aen die Hasselt aen die Cortstraet tussen die ghemeijnt van Tilborch deen sijde
ende tussen erffe Engelbere voers cum aliis (met anderen) dander sijde
streckende vande erffe Henrick Appels totte Cortte straten toe aldaer Item hier
toe noch een stuck lands geheijten dat Grass stuck ii lopensaet vel
circiter (of daar omtrent) begrijpende gelegen inde parochie voers ter stede
geheijten in Sterts Hoeve tussen erffe Cornelis die Beer deen sijde ende tussen
erffe die weduwe Gherit Jan Reijnen Crillaerts dander sijde streckende
vande erffe Wouter Vermee totte Langstrate toe op welck ghedeelte die andere
kijnderen voers volcomelijcken op vertegen hebben tot behoeff Henrics voers,
daer Henrick voers uijt ghelden ende betalen sal aen die weduwe Gherit
Meeus een halff mud rogge erfpachs Item twee lopen rogge erfpachs ten Bosch te
gelden met Meeus Peter Meeus zoen ende aldaer te leveren Item Jacoppen sijnen
moeder 1/2 mud rogge lijffpachs alsoe langhe sij leven sal inde menscheijt
Item die helft in alsulcken chijns als Lucas van Amelzoeije jaerlijx op hen heffende is,
Item hiertegen sal
Peter voers hebben houwen ende erfffelijck besitten een huijs hoff mette helft
van een grast tussen die schuer ende dit huijs hoff voers gelegen ghelijck
sij aldaer bepaelt hebben inde parochie van Tilborch aen die Hoeve tussen
erffe Gherits voers dat hier tegen ghedeijlt is deen sijde ende tussen erffe
Henrick Appels ende Jan Jan Nouwe zoen dander sijde streckende vande erffe
Aerts van Riel totte ghemeijnten toe aldaer als sij seeden op welck ghedeelte
die andere voers volcomelijcken op vertegen hebben tot behoeff Peter voers, ende
Peter voers noch gelden ende betalen sal een mud roggen erfpachs aen die
Cathuijsers tot Vucht Item aen Jacoppen sijnre moeder 1/2 mud rogge
lijffpachs haer leven lanck durende ende daer toe die helft in alsulcken chijns
als die heer van Tilborch jaerlijcs op hen heffende is Item die helft in een
oirt stuijver erffchijns in tshertogh chijns tot Oesterwijck te gelden,
Item hiertegen sal Gerit voers
hebben houwen ende erffelijcken besitten een schuer met haeren grond ende
toebehoerten ende met halff die grast tussen den huijs hoff ende deess schuer
voers gelegen gelijck als bepaelt is gelegen inde parochie voers ter stede
geheijten aen die Hoeven tussen erffe Peters voers dat hiertegens gedeijlt is
deen sijde ende tussen erffe Wouter die Bont dander sijde streckende van de
erffe Aerts van Riel totte ghemeijnte toe aldaer als sij seede op welck gedeelt
die ander kijnder volcomelijcke op vertegen hebben tot behoeff Gherits voers,
daer Gherit voers moet gelden ende betalen sal aen Ghijsbrecht Beerthen xv lopen
rogge erfpachs Item Jacoppen henne moeder 1/2 mud rogge lijffpachs Item die
helft in alsulcken chijns als die heer van Tilborch jaerlics daer op heffende is
Item die helft in een oirt stuijver tshertoge chijns tot Oesterwijck te gelden
Item die ghezwoeren van Tilborch omtrent 3 oirt stuijver erfchijns jaerlics van recht hier te betalen,
Item
hiertegen sal Engelberen voers hebben houwen ende erffelijcken besitten een
stuck lands geheijten den Berenacker ii 1/2 lopensaet vel circiter (of daar
omtrent) begrijpende ghelegen inde parochie voers ter stede geheijten in Sterts
hoeve tussen erffenis Henrick haer broeder voers deen sijde ende tussen
erffenisse Henrick Appels dander sijde Item hiertoe een stuck lands vii
lopensaet vel circiter (of daar omtrent) begrijpende gelegen aldaer in Sterts
Hoeve geheijten die Valenacker tussen erffe Wouter die Bont op deen sijde ende
tussen erffe Henrick Appels voers met meer andere dander sijde, Item hier toe
noch een stuck lands geheijten die Cranenberch iii lopensaet vel circiter (of
daar omtrent) begrijpende gelegen in Sterts Hoeve voers tussen erffe Cornelis
Henrics zoen op deen sijde ende een eijnde ende tussen erffe die weduwe Gherit
Meeus dander sijde, hoedende metten andere eijnde aen die ghemeijnt van Tilborch
als sij seijden op welck ghedeelt voers die anderen voers volcomelijcke op
vertegen hebben tot behoeff Engelberen voers daer Engelberen voers uit gelden
ende betalen sal, aen Ghijsbrecht Beerthen ix lopen rogge
erfpachs Item den Heijlige Geest van Tilborch een lopen rogge erfpachs
ende daer toe den selve 1 oirt stuijver Item te gelden Item Jacoppen haeren
moeder 1/2 mud rogge lijffpachs Item die helft in Lucas van Amelzoeije
chijns jaerlics van recht hier uit te vergelden et promisit (en heeft
beloofd) die een den ander deese erffdeijlinghe ende erffscheijdinghe altijt
vast ende stentich te houwe, ende dat enijeghelijcke sijn commer, hem inde
deijllinghe voers toeghevuecht sijnde, alsoe gelden ende betalen sal, ten
termijne daertoe gheset, datte andere ende sijn goeden hiertegen gedeijlt,
daeraff sullen blijven onghehouwe tot ewige (dagen), met voerwarden toeghedaen
off naemaels verborgen commer quame op ijemants ghedeelt ende hier inne
deijllinge nijet ghenoept en is, dien commer alsoe comende, hebben, sij
malcanderen gelooft te helpen gelden ende dragen kijnts
kijntsgelijck sonder argelist datum vi februarij scabini Vessem,
Berijs.