Willem zoen wilner (wijlen) Lambrecht Roeloffs zoen ende
met hem Adriaen sijn wittige zoen ende Willem Thijs Mutsaerts zoen ut tutor (als
voogd) Aleijtten sijns wijffs dochter Willems voers een stuck landts totte voers
Willem behoerende vi lopensaet vel circiter (of daar omtrent) begrijpende
gelegen inde parochie van Tilborch ter stede geheijten aen die Hasselt tussen
erffe Lambrecht Willem Lambrechts zoen deen sijde ende tussen erffe Daniel ende
Gherit ghebruederen zoen Jan Luijtkens dander sijde streckende vande erffe
Cornelis die Beer cum alijs (met anderen) totte erffe Jan Jan Nouwe zoen als
shij seede supportaverunt (hebben overgegeven) Lambrechten Willem Lambrechts
zoen met affgaen ende vertijden als dat behoerlijcken ende recht is et
promiserunt warandiam (en hebben beloofd te waren) los ende vrij
uitghenomen omtrent 1/2 stuijver chijns den kijnderen Henrick Embrecht zoen tot
Oesterwijck te gelden ende allen andere commer ende calangien daerop comende
altemael aff te doen den selven datum Sinte Lucien dach ... scabini Stevens, Berijs
Lambrecht voers promisit
Willem sijn vader voers ende Heijlwige sijne moeder verthien lopen roggen
jaerlics ende lijffpachs alsoe lange als Willem ende Heijlwich voers leven
sullen inde menscheijt ende niet langer, allen jaer te gelden ende te betalen op
Ons Vrouwe dach Lichtmisse ... over een jaer uit ende vande onderpanden voers et
promisit warandiam (en heeft beloofd te waren) alsmen lijffpacht sculdich is te
waren ende allen commer daer op comende aff te
doen datm scabini ut supra
Lambrecht Willem Lambrechts zoen
heeft helmelinge vertegen opten alinghe recht op allen ende enijegelijcken
goeden het sij haeffelic oft erffelic die welck hem in toecomende tijde,
aencomen ende versterven mogen van Willem sijn vader ende Heijwige sijnre moeder
.... eest in herden in weecken in diepen ende in drooge etc als hij seede
supportavit (heeft overgegeven) Adriaen sijnen bruer ende Willem Thijs Mutsaerts
zoen sijnen zwager met affgaen ende vertijden als dat behoerlijcke ende recht is
et promisit (en heeft beloofd) commer van sijnen weege aff te doen, ende hier
voer en sal Lambrecht voers nijet gehouwe weesen in enige costen aengaende daer
uit ... van vader ende moeder off enige sculden die sij nae hen doot achter
laten moge uitgenomen, off Willem hen vader ende Heijlwich hen moeder in
toecomende tijden enich ghebreck leeden van eethen van drincken van cleden
ende scoenen ende andere haeffenisse, daer sal Lambrecht voers dat derde deel in
gelden sonder argelist datum scabini ut supra.