Cont sij enijeghelijcken dat comen sijn voer ons scepenen
onderghescreven Peter ende Matheeus gebruederen ende Ghertruijt hen suster cum
tutore (met haar voogd) ter eenre ende Gherit ende Jan gebruederen ende Aleijt
hen suster ter anderen sijde kijnderen wilner (wijlen) Wouter Gherit Wouters
soen die Wouter vercregen hadde bij Jenneken dochter wilner Wouter Beijen ende
hebben onder hen een erffdeijllinge ende erffscheijdinge ghemaeckt ende
aenghedaen van alsulcken goeden als hier nae bescreven staen
Overmits welcke erffdeijllinge ende
erffscheijdinge wille soe sullen Peter, Matheeus ende Gheertruijt voers hebben
houwen ende erffelijcken besitten tsamen een schuer ende scaepscoeij metten ...
ende gront daer die schuer ende scaepscoeij op staet ende met drie eijcken daer
achter staende gelegen inde parochie van Tilborch ter stede geheijten achter die
Stockhasselt gelegen neve erffe Jan Eelkens deen sijde ende deen eijnde ende
tussen erffe Gherit ende Jan voers dander sijde, hodende voer op die straet Item
hier toe alsulcken weijen ende lant aen een gelegen mette granen tsamen xvii 1/2
lopensaet vel circiter (of daar omtrent) begrijpende gelegen aldaer tussen erffe
Wijt Eelen Heijhoeff deen sijde ende tussen erffe Jan Zomer cum alijs (met
anderen) dander sijde, hoedende met beijde eijnden aen die ghemeijnt van
Tilborch aldaer Item hier toe noch v lopensaet heijvelts off daer omtrent
begrijpende inde parochie ende plaets voers geheijten Peter Beijen Hoeff tussen
erffe Cornelis Gherit Peter Reijnen zoen deen sijde ende tussen erffe Daniel
Neel Hermans zoen dander sijde ende dat een eijnde hoedende metten anderen
eijnde aen die ghemeijnt voers op welck ghedeelte voers die andere kijnder
volcomelijcke op vertegen hebben tot behoeff Peter cum suis voirs te samen
op allen scepenen brieven, daer sij uit sullen gelden ende betalen aen
Ghijsbrecht Zomers ander halff mudde rogge erffpachs Item aen die erffgenamen
Wouter Melis in Bezoeijen xii lopen rogge erfpachs Item den Persoen van Tilborch
1 lopen rogge erfpachs Item den heer van Tilborch omtrent ii stuijvers erfchijns
ende den Heijligen Geest van Tilborch omtrent ii stuijver chijns Item Lucas van
Amelzoeije omtrent 1/2 chijns jaerlics van recht hier uit te vergelden ter
plaets daerinne dat van rechs weege sculdich is te gelden datum xvi aprilis scabini Vermee,
Berijs
Item hier
tegen sullen Gherit ende Jan bruederen voers tsamen hebben houwen ende
erffelijcken besitten een huijs hoff met sijnen gronde ende toebehoerten ende
metten erffe daer aen liggende soe lant ende weije ende met een heijvelt
daer achter aen gelegen tsamen xv lopensaet vel circiter (of daar omtrent)
begrijpende gelegen inde parochie ende plaetse voers tussen erffe Peter cum
suis voers ende Jan Eelkens deen sijde ende tussen erffe Jan Peters ende
Jan Mutsaerts dander sijde streckende vande ghemeijnde strathen totte ghemeijnte
toe aldaer als sij seede op welck gedeelte voers die ander voers volcomelijcke
op vertegen hebben tot behoeff Gerit ende Jans voers daer sij uit sullen gelden
ende betalen aen die erffgenamen Willem Dries van Riel xxv lopen rogge erfpachs
Item in tsHertoge chijns tot Oesterwijck omtrent ii
stuijver chijns jaerlics van recht hier uit te vergelden
Item
hier tegen sal Aleijt hen suster voers alleen hebben houwen ende erffelijcken
besitten een stuck lands iii lopensaet vel circiter (of daar omtrent)
begrijpende gelegen inde parochie ende plaets voers tussen erffe Jan Eelkens
deen sijde ende deen eijnde ende tussen erffe Peter cum suis voers dander sijde,
hoedende op ghemeijn straet Item hier toe een stuck lands iii lopensaet vel
circiter (of daar omtrent) begrijpende gelegen aldaer tussen erffe Jan Eelkens
voers deen sijde ende deen eijnde ende voerts gelegen aen die ghemeijnt van
Tilborch voers op alle sijde Item hier toe noch ii lopensaet heijvelts gelegen
aldaer tussen erffe Gherits ende Jans voers dat hier tegen gedeijlt is deen
sijde ende tussen die ghemeijnt van Tilborch dander sij ende dat een eijnde
hoedende metten anderen eijnde aen erffe Jan Eelkens voers als sij seede op
welck ghedeelte voers die anderen voers volcomelijken op vertegen hebben tot
behoeff Aleijts voers daer Aleijt voers uit gelden ende betalen sal, den heer
vande Bazeldonck 1/2 mud rogge erffpachs Item den erffgenamen Wouter Melis in
Bezoeijen iiii lopen rogge erffpachs Item den ... tot Oesterwijck 1/2 Oude
Groote te gelden jaerlics van recht hier uit te vergelden et promisit (en heeft
beloofd) die een den anderen deese erffdeijllinge ende erffscheijdinge vast ende
stentich te houwen, ende dat een ijegelijcken sijnen commer, hem hier toe
ghevuegt sijnde, alsoe gelden ende betalen sal ten termijnen ende stede daer toe
gheset dat die ander ende hen goeden, daer aff sullen blijven ongehouwe tot
ewige dage ende off naemaels verborgen commer quaem op ijemants gedeelte
ende hier inne deijllinge niet ghenoempt en is, dien commer alsoe commende,
sullen sij malcanderen helpen gelden ende dragen, kijnt kijntsgelijck datum
scabini ut supra.