In deeser maniere hier nae volgende, soe sijn
ghescheijden ende ghedeijlt IJken weduwe Jan Willem Mutsaerts ter eenre, ende
haer wittige kijnderen ende erffgenamen ter andere sijde, dats te weeten van
alsulcken erffelijcken goeden, als IJken voers naede doot van Jan haer man tegen
haer wittige kijnderen ghedeijlt hadde
Overmidts welcke deijilinge
wille, soe sal IJken voers hebben houwe ende ghebruijcken haer leven lanck
duerende een stuck erffe met eenen huijsken daer op staende vijff lopensaet vel
circiter (of daar omtrent) begrijpende gelegen aent Creijven Item hier toe sal
sij heffen en beuren op Jan Lauwreijs Eelkens zoen xxiii lopen rogge
erfpachs Item op Em Emmen zoen van Aerl 1/2 mud rogge erfpachs Item op Em
Eelkens erfgenamen vi lopen rogge erfpachs Item op Gherit Henric Beijkens vijff
lopen rogge erfpachs Item op Peter Jans van Hoeff vi lopen rogge erfpachs Item
op Dirck Back vier lopen roggen erfpachs die ter quijtinge staen met acht
Rijnsgulden ende met dien iiii lopen rogge voers, soe mach IJken voers haer
vrijen wille mede mogen doen sonder ijemants tegen seggen, ende daer toe haer
huijsraet te ghebruijcken soe sij gewoonlic is te doen haer leeff dach lanck
ende dit voers, sal sij ghebruijcken los ende vrij, van allen bede, commer ende
onraet die daer enichsins op comen mach, hoe danich die sijn mach ende dat
hebben sij kijnderen voers gelijckerhant geloeft te voldoen kijnts kijntsgelijck
sonder ...
Item hier tegen sullen sij kijnderen
voers gelijckerhant hebben houwe ende erffelijck besitten allen ende
enijeghelijcken anderen erffelijcken goeden die welck IJken voers huijden des
daechs besittende is ... ende daer vertijt sij op opten alinge recht ende
voerts op haer tocht ut moris est (zoals gebruikelijk is) datum xxix januarij,
scabini Vermee, Berijs.