Cont sij enijeghelijcken want Cornelis zoen wilner
(wijlen) Jan Sijmons ende, Jan zoen wilner (wijlen) Embrecht Eelkens te samen
ghescheijen ende gedeijlt hadde tegen Dingen ende Jenneken ghesusteren dochteren
wilner (wijlen) Embrecht Eelkens, van zeeker erffeniss die welck ghecomen waren
van wilner Embrecht Eelkens voers, in welcke deijllinge voers Cornelis voers die
twe deel toebehoerende ende Jan voers dat derde deel
Overmidts welcke
scheijdinge ende deijllinge voers, Cornelis ende Jan voers nu tegenwoerdich
ghescheijden ende ghedeijlt hebben, te weten dat Cornelis voers sal hebben houwe
ende erffelijcke besitten die tweghedeelte in een stuck erffs geheijten den Oude
Hoff te weeten die noerden zijde gelegen aen dat Creijven neve erffe Elijszabet
Jans van Spaendonck dochter deen sijde ende tussen erffe Jans voers dat hier aff
gedeijlt is dander sijde hoedende voer op die straet Item hiertoe die twe
ghedeelte in een stuck lands geheijten den Vorsten Geeracker te weeten die
zuijden sijde, neve erffe Aleijt Gherit Jans ... deen sijde ende tussen erffe
Jans voers met sommige andere dander sijde Item hiertoe noch twe ghedeelte inde
selven Gheeracker, gelegen achter den voers Gheeracker aldaer te weeten die
noerden sijde ende die zuijden sijde, daer Jan voers tussen beij in leet gelijck
aldaer bepaelt is, Item hiertoe noch twe ghedeelten in die helft van eenen stuck
lands geheijten die Hoogen Acker te weeten, die oosten sijde, neve erffe Jan
Zomers deen sijde ende tussen erffe Jans voers dat hier aff ghedeijlt is dander
sijde, hoedende aen erffe Jan Eelkens met meer anderen als sij seeden op welck
ghedeelte ende erffe voers Jan voers volcomelijcke op vertegen heeft tot behoeff
Cornelis voers te samen op allen scepenen brieven daer Cornelis voers uit gelden
ende betalen sal die twe deel in een halff mud rogge erffpachs, aen Rijckaert
Emen tot Oesterhout te gelden Item die twe deel in een halff mud rogge erffpachs
aen Peter Timmermans tot Dongen te betalen Item aenden Persoen off sijn
Altaristen inde kerck van Tilborch die ii deel in twe lopen rogge erfpachs
Item ten Bosch die twedeel in drie pont erffchijns aldaer te gelden Item
hier toe die ii deel in een gront chijns jaerlics van recht hier uit te
vergelden ende daertoe die een den anderen te weegen ... van rechts weegen soe
dat behoren sal,
Item hiertegen soe sal Jan voers
hebben houwe ende erffelijcke besitten dat derdedeel in een stuck erffs
geheijten den Ouden Hoff te weeten die zuijden sijde, neve erffe Jan Peter Meeus
zoen deen sijde ende deen eijnde ende tussen erffe Cornelis voers dander sijde,
hoedende voer op die ghemeijn straet Item hiertoe dat derdedeel inde Vorsten
Gheeracker te weeten die noerden sijde tussen erffe Jenneken Em Eelkens dochter
deen sijde ende tussen erffe Cornelis voers dat hier aff gedeijlt is dander
sijde Item hier toe dat derdedeel inde Achtersten Gheeracker tussen erffe
Cornelis voers op beijen sijde aenliggende hoedende op erffe Vranck Lemmens Item
hier toe noch dat derdedeel in die helft van eenen stuck lands geheijten den
Hoogen Acker te weeten die westensijde, neve erffe Jennekens voers deen sijde
ende tussen erffe Cornelis voers dat hier tegen gedeijlt is dander sijde,
hoedende aen erffe Jan Eelkens als sij seeden op welck gedeelte ende
erffe voirs Cornelis voers volcomelijck op vertegen heeft tot behoeff Jans
voers, daer Jan voers uit gelden ende betalen sal dat derde deel in alle pachten
ende chijnsen voers ende daertoe die een den anderen te weegen van rechts
weegen et promisit (en heeft beloofd) die een den anderen gelijck
deijlsluijden sculden sijn te geloven ut mores est (zoals gebruikelijk is)
datum xxviii meij scabini Vermee, Berijs.
In de
marge:
Cornelis zoen wilner (wijlen) Jan Sijmons deess gedeelt in dees
deijllinge die hem hier te deel ghevallen sijn, heeft hij overghegeven ende
opghedragen Jan zoen wilner (wijlen) Jan Sijmons zijn brueder simul cum omnibus
literis et promisit (samen met alle brieven en heeft geloofd) commer van
sijnen weege aff te doen date xxii aprilis scabini Ael, Berijs anno xx nae
Paeschen.