Gherit Gherit Jan Reijnen soen een stuck lants hem als
hij seede toe behorende alsoe groot ende alsoe cleijn alst aldaer ghelegen is
inde parochie van Tilborch aent Creijenven tussen erffenis die weduwe Jan
Mutsaerts deen sijde, ende tussen erffenis Aleijt Gherit Jans weduwe dander
sijde streckende van erffenis Jan Jan Sijmons met meer anderen totter straten
toe aldaer als hij seede heeft hij wettelijck ende erffelijck vercocht
overghegheven ende opgedragen Cornelis soen wilner (wijlen) Jan van Spaendonck
met affgaen ende verthijden als dat behorlic ende recht is, et promisit (en
heeft beloofd) waren alsmen erffenisse sculdich is te waren dempto (behalve) dat
Cornelis hier uit gelden ende betalen sal jaerlix een blanck erffchijns Lucas
van Amerzoije te gelden op Sint Denijs dach ende voorts allen anderen commer
ende calangie daer op comende altemael aff te doen den selven datum den xv
martij anno xx scabini Vermee ende Meijnarts.