Cornelis Wouter Jan Wouters heeft ghelooft als een
principael sculder hem te ghelden ende te betalen Wouter Jan Daniels tot behoeff
Kathelijn weduwe Jan Daniels sijne moeder haer ter tochten ende hare wittige
kijnderen ten erve een halff mud rogge jaerlics ende erffelics pachts alle jaer
te gelden ende te betalen op Onser Lieve Vrouwe dach Lichtmisse uit ende van een
stuck lant vier lopensaet off daer omtrent begrijpende ghenoemt den Goorman
ghelegen inde parochie van Tilborch ter steede aent Craijenven tussen erffe Jan
Meeus deen sijde ende die erffe Aerts van Riel dander sijde streckende van erffe
Cornelis van Spaendonck tot erffe Gherits Haghaerts kijnderen als hij seede et
promisit super se et bona sua habita et habenda warandiam (en heeft beloofd op
zich en zijn goederen hebbende en verkrijgende te waren) alsmen erffpacht
sculdich is te waren ende die onderpanden goet te maken voor die betalinghe
vande erffpacht voirs datum x februarij scabini Aelwijns ende Beeris.