Willem soen wilner (wijlen) Mathijs Mutsaerts heeft
gheloeft als een principael sculder haer te gelden ende te betalen Aleijdt die
weduwe Gerit Jan Maes Geene sess lopen rogge erffpacht haer ter tochte ende haer
wittige kijnderen ten erven erffelijck ende alle jaer te gelden ende te betalen
op Ons Lieve Vrouwe dach Lichtmisse uit ende van een huijs hof grond ende erffe
daer aen liggende ende daer toe behorende in alder grote als dat aldaer gelegen
is inde parochie van Tilborch ter stede geheijten aen die Hasselt tussen erffe
Cornelis Hanricx soen deen sijde ende tussen erffe Gerit van Eethen dander sijde
streckende van erffe d erffgenamen Mechtelt Meeus totte gemeijne strate toe
Item noch uit ende van een stuck lants in alder grote als dat gelegen is ter
parochie ende plaetse voirs tussen erffe Lijs Peter Nouwe deen sijde ende tussen
erffe Margriet die weduwe Gerit Jan Gerit Bax dander sijde streckende van erffe
Jan Smit Nouwe tot een gemeijn wech toe aldaer als hij seede, et promisit
warandiam more solito (en heeft hij beloofd te waren zoals gebruikelijk) ut in
... datum ... anno xxi scabini Beris et Vet.