Cont sij een ijegeliken dat voir ons schepenen
ondergeschreven gecomen en gecompareert sijn Ariaen Michiel Roelofs als man
en momboir Heijlwigh sijns wijffs dochter wilner (wijlen) Arts Cort
sBonten ter eenre en Daniel dochter wilner (wijlen) Jan Nouwen cum tutor
(met haar voogd) die hij gewonnen en vercregen hadde bij Elisabeth sijne wettige
huijsvrouw dochter wilner (wijlen) Arts Cort sBonten ter ander sijde en heben
ghedaen bij raet van sommige henne vrinden een erffscheijdine
Overmits welcke erffscheijdinge Ariaen voirs te deel ghevallen is ende
sal erffeliken hebben houde ende besitten inne ierste een huijs hoff gront en
erffe daer aen liggende ende daer toe behorende xii lopensaet min vier roeijen
vel circiter (of daar omtrent) begrepen gelegen inde parochie van Tilborch aen
die Hasselt tussen erffe Reijner Jan Reijner deen sijde ende tussen erffe Daniel
Jan Nouwen die hijer tegen gedeijlt is dander sijde streckende met beijden
eijnden aen die gemeijn strate met sommige erffe waer op Daniel voirs
vertegen heeft cum tutore (met haar voogd) tot behoeff Ariaen Michiel Roeloffs
voirs met affgaen ende verthijde als dat behorlic ende recht is daer Ariaen
voirs uit gelden sal die drie vierdedeelen erffpacht die van auts van rechts
weege uit geheele stede behoort te gaen,
Hier tegen
sal Daniel voirs hebben haude ende erffeliken besitten een stuck lants gelegen
aldaer ter parochie ende plaetse voirs vier lopensaet min ii roijen vel
circiter (of daar omtrent) begrepen tussen erffe Ariaen Michiel Roeloffs dat
hier tegen gedeijlt is deen sijde ende tussen erffe Cornelis Wouter Jans cum
alijs (met anderen) dander sijde ende deen eijnde ende metten anderen eijnde aen
die straet aldaer daer Ariaen voirs op vertegen heeft tot behoeff Daniels
voirs met aff gaen ende verthijden ut moris est (zoals gebruikelijk is) daer sij
uit gelden ende betalen sal jaerlix het vierde deel vande erffgenamen die
jaerlix van rechts wege van auts uit die gheheele stede sculdich is te gaen
gelovende malcanderen die voirs deijling super se et bona sua habita et
habenda (op zich en zijn goederen hebbende en verkrijgende) deese
erffscheijdinge vast ende stendich te houden en te doen houden en elck sijn
gedeelte van de voirs commer also te gelden datte die anderen sijn goeden
aff ongehauen sullen sijn ende verborgen commer gelijck kijnt kijnts gelijck te
dragen datum er scabini ut supra ( ... anno xxi scabini Vermee ende
Beris) .