Cont sij een ijeghelijcke dat voir ons scepenen onder
gescreven ghecomen ende gecompareert sijn Michiel soen Gherit Jans ter eenre
ende Sijmon soen wilner Herman Heijsten als man ende momboir Aleijt sijns wijffs
wittige dochter Gerits voirs vande voirs Gerit in eenen wittigen bedde verweckt
bij wilner (wijlen) Katelijn sijns wijffs ter ander sijden ende hebben onder hen
bij raet van sommige hunne vrienden ghedaen ende gheordonneert een erffdeijlinge
ende erffsceijdinge van sommige erffe hijer nae bescreven
Inden ierste
soe is den voirs Michiel ten deel ghevallen ende sal hebben haude ende
erffelijcken besitten inden ierste een stuck lants gheheijten Scuijtkens weije vierdalff lopensaet vel circiter
(of daar omtrent) begripende ghelegen inde parochie van Tilborch ter stede
geheijten indie Vene tussen erffe Lambrecht Willem Lambrechts soen deen
sijde ende tussen Hanrick Cornelis Appels soen dander sijde Item daer toe noch
een vijfftedeel in een stuck lants gheheijten den Wilch Acker vant noorden
eijnde aff te legge den heele acker vijff lopensaet vel circiter (of daar
omtrent) begripende gelegen tussen erffe Jan Smit Nouwe cum alijs (met anderen)
dander sijde ende tussen erffe Jan van Gierl cum pueris (met zijn kinderen)
et cum alijs (en met anderen) dander sijde, Item noch daertoe een vijfftedeel in
een huijs hoff in een huijs hoff gront ende erffenisse daer aen liggende ende
daer toe behorende drie lopensaet vel circiter (of daar omtrent) begripende
gelegen inde parochie van Tilborch aen die Hasselt tussen erffe als voirs is
inde voirs brieff ende dies sal Michiel voirs sijn vijfftedeel aff nemen aen die
westen sijde des voirs erffs neve erffe Michiels voirs ende des sal Michiel
voirs Sijmons voirs ... sijn vijfte deel inde timmerije op die voirs steede
staende daer Sijmon voirs op vertegen heeft in manieren van erfdeijlingen daer
Michiel voirs uit gelden ende betalen sal inden iersten vier lopen rogge erffs
Kathelijn huijsvrou Embrecht Goessens Item noch Lauwreijs die Wijsen gelden vier
lopen rogge erffs Item vier lopen rogge erffs te gelden den Persoen ende ...
inde Kercke van Tilborch Item noch te gelden den vier delen onder vijfftalff
lopen rogge errfpacht Item noch te gelden den erffgenamen Hanrick van Gestel een
vijffde deel in een mud rogge erffpachts
Item hijer
tegen sal Sijmon voirs hebben haude ende erffelike besitten inden ierste alle
die parcelen inde brieff opt ander blat ... gescreven ende gepresenteert
uit gesceijden dat Michiel hijer te deel ghevallen is als voirs is daer hij uit
gelden ende betalen sal jaerlix inden ierste drie mud rogge erpacht ende
sess lopen rogge erffpacht te gelden Kathelijn die weduwe Ariaen Block, Item te
gelden die Tafele des Heijlichen Geest in Tilborch drie lopen rogge erffpacht
Item noch te gelden Kathelijn Embrecht Goessens wijff vier lopen rogge erffpacht
Item den rector van Sinte Katrina autaer inde Kercke van Tilborch te gelden twee
lopen rogge erffpacht Item noch te gelden den erffgenamen Hanrick van Gestel
vier vijffte ghedeelten in een mud rogge erffpacht Item noch te gelden de heer
van Tilborch jaerlix op Sint Stevens dach drie blancke offte omtrent erffchijns
Ende hebben deese voirs deijlluijden vertegen die een tot den anders behoeff op
die parcelen ende erffenisse voirs met affgaen ende verthijden ut moris est
(zoals gebruikelijk is) en hebben gheloeft als sculderen principael die een den
ander dese erffmangelings vast ende stendich te houen sonder ennich wederseggen
ende elck sijn benoemde commer alsoe te gelden datte die anderen sijn goeden
daer aff ongehaude sullen sijn ende blijven ten eewige dagen datum et
scabini ut supra.