Peter zoen wilner (wijlen) Peter Ghijben een stuck
heijvelts hem toebehorende drie vierdevaet vel circiter (of daar omtrent)
begrijpende gelegen inde parochie van Tilborch ter steden gheheijten aen die
Hasselt in die Langstraet tussen erffe Peter Zegers aen beijde sijden hodende
metten eenen eijnde op die ghemeijn straet geheijten die Langstraet ende metten
anderen eijnde aen erffe Jan Gherit Hermanssoen als hij zeede heeft hij
wijttelijcken ende erffelijcken vercocht overghegeven ende opgedragen Peter soen
wilner (wijlen) Cornelis Zegers en heeft geloeft Peter vercoper voers als een
principael sculdenaer op hem ende op allen sijn goeden die hij nu ter tijt heeft
en naemaels hebben ende vercrijghen mach dit stuck heijvelts voers te waren loss
ende vrij gelijck men loss ende vrij erve sculdich is te waren, en allen commer
en calangijen daer in wesende altemael aff te doen den selven datum xxix julij
scabini Zwijsen Joest Beris.