Condt sij een jegelijcken want Henrick soen wilner
(wijlen) Cornelis Appels soen geloeft ende gevest heeft Elijzabeth dochter
wilner (wijlen) Jans van Spaendonck met haren gecozen voecht ende momber eenen
jaerlijcken ende erfflijcken pacht van achtijen loepen roggen alle jaer te
gelden ende te betalen op Onser Lieve Vrouwen dach Lichtmisse, uit ende van
eenen huijs hoff met sijnen gront ende erffe daer aen liggende ende daer toe
behorende drie lopensaet vel circiter (of daar omtrent) begrijpende gelegen
inder parochie van Tilborch aen die Hasselt tussen erffe Peter Willem sBeren
soen deen sij ende tussen die ghemeijn straet dander sij, ende metten eenen
eijnde, streckende metten anderen eijnde aen erffe Jan Smit Nauwen soen
Item uit ende van een stuck landts acht lopensaet vel circiter (of daar
omtrent) begrijpende gelegen in der parochie voers In Sterts Hoeve tussen
erffenis Meeus Peter Meeus soen deen sij, ende tussen erffe Peter Willem sBeren
soen cum alijs (met anderen) dander sij, gelijck dat altesamen in een
principalen erffbrijeff daer op ghemaeckt volcomelijcken begrepen staet welcken
brijeff voers den daet daer van begrijpt duijsent vijffhondert ende twintich den
acht en twintichsten dach inde maent januarij soe hijer onder voer ons scepenen
ondergescreven gestaen Gherit Vrancken soen als man ende momber Elijzabetten
sijnre huijsvrouwen dochter wilner (wijlen) Jans van Spaendonck voers ende heeft
geconsenteert ende van gratien verleent Henricken soen wilner (wijlen) Cornelis
Appels ende sijne nacomelingen dat sij die achtijen loepen rogge erffpachs voers
altijt sullen moegen lossen ende quijten tot hunne schoensten altijt tot
Lichtmisse met der somme van twee en vijfftich Rijnsgulden xx stuijvers het
stuck de Philippusgulden voer xxv stuijvers ende Gouwen gulden xxviii
stuijvers et sic ghequeten ende Sinte Johan te voren op te seggen etc ende
altijt met verschene pacht te weten dat Gherit voers Henrick voers noch tot dees
xviii loepen rogge erffpachs voers op datum van huijden gedaen heeft aen gelden
acht rijnsguldens xx stuijvers t stuck etc daer omme soo is den voers loss alsoe
.... datum den xxxi januarij scabini Zwijsen ende Leemans.