Cont sij eenen jegelijcken want Laureijs Jacop soen
van Poppel jaerlijcks heffende ende borende was een mud rogge jaerlijcken ende
erfflijcken pacht op Wouter Peter Willem Gerits op Lichtmisse altijt te betalen
uijt ende van een stuck erffs soe lant ende weije drie lopensaet vel circiter
(of daar omtrent) begrijpende gelegen inde parochie van Tilborch ter plaets
geheijten die Hasselt tussen erffe Aerts van Riel deen sij ende tussen erffe Jan
Daneels noch uiit ende van meer verscheijden stucken erffs nae inhout den
originalen brijeff daer op gemaeckt volcomelijcken begrepen staet welcke
originalen brijeff voers noch inhoudende is van eene Rijnsche gulden siaers op
Lichtmisse te betalen welcken Rijnsche gulden vs noch in sijne crachten ende
machten blijft soe dat inde originalen brijef voers begrepen staet den welcken
Lauwereijs Jacop soen van Poppel vs daer omme noch behoudende is hijer omme soe
is voer ons scepenen ondergescreven gestaen Lauwreijs Jacops van Poppel vs
Henrick vande Eijnde sijn zwager die die macht daer van Laureijs sijn zwager
hadde alsoe hij zede ende heeft hem bekent ende bedanckt goeder betalinge van
den mud rogge erffpachs vs dat dat selve mud rogge erffpachs vs dat dat selve
mud rogge vs aen hem Jacopen vs duechdelijcken ende wael affgelost ende
gequeeten is ende heeft bekent voer ons scepenen ondergescreven den iersten
penninck mette leste daer van ontfangen te hebben, ende heeft geloeft Henrick
Lauwereijs Jacops vs zwager ut debitor principalis super se et bona
sua (als hoofdschuldenaar op zich en zijn goederen) dat hij noch sijn nae
comelingen nu noch nimmermeer tot eghene toecomende tijden en sullen spreken
ofte doen spreken op dit mud rogge erffpachs vs met egheene hande recht
geestelijck noch werlijc sonder argelist date ultimo januarij scabini Joest ende
Leemans.