Kennelijck zij eenen
ijegelijcken dat voor ons schepenen ondergescreven sijn gecomen etc. Pauwels
soone wijlen Joost Hermans als man ende momboir Jennekens sijner huijsvrouwe
dochter wijlen Peeter Denijs Jan Reijnen ter eenre, ende Peeter soone
wijlen Cornelis Henrick sBeren als man ende momboir Mechtelt sijner huijsvrouwe
oijck dochtere Peeter Denijs Jan Reijnen voirscreven ter andere
zijden, ende hebben zeeckere erffmangelinge gedaen vanden goeden hiernae bescreven volgende
Overmits
der welcker soo sal die voirs Peeter vanden voirs Pauwelsen hebben houden ende
erffelijck besitten, tderde gedeelt ombedeijlt in een huijs hoff metten grond
ende erffenisse daeraen liggende ende daertoe behoirende int geheel twee
lopensaet ende thien roijen oft daeromtrent begrijpende gelegen binnen der
prochie van Tilborch ter plaetse geheijten aende Heijzijde bijden Dreijboom
aldaer tusschen erffenisse Peeteren voirs alsnu toebehoirende deen zijde, ende
tusschen erffenisse Jan Janssoon Verschueren de jonghe dander zijde ende oijck
deen eijnde hodende metten anderen eijnde aen eenen gemeijn ackerwech aldaer
geordonneert Alsoo zij seghden Op welck derde gedeelt inden huijse metter
erffenisse voirs, die voirs Pauwels volcomentlijck heeft vertegen ten behoeve
van Peeteren voirs met overgeven etc. ende heeft gelooft de voirs. Pauwels super
se etc. ende alle commer etc. vuijtgenomen dat die voirs Peeter hiervuijt sal
gelden dat derde gedeelt in vi st tsiaers aende Susteren van Oisterwijck te betalen datum et scabini ut
supra (xxx januarij 1599, Brock et Borchmans).
Hiertegens sal die voirs Pauwels hebben houden ende vanden
voirs Peeteren besitten dat derde gedeelt bedeijlt in een stuck saijlants
geheijten de Ghirst Velden dat derde gedeelte xxxvii roijen ofte daeromtrent
begrijpende gelegen binnen der prochie van Tilborch ter plaetsen geheijten aende
Heijzijde aldaer tusschen erffenisse Juetken dochter Peeter Denijs Jan Reijnen
deen zijde, ende tusschen erffenisse Anthonis Claes Thonissoon dander zijde,
streckende vande erffenise Peeters voirs totter erffenisse Pauwels voirs ut
dicebant (zoals zij zeiden) Op welck derde gedeelte voirs de voirs Peeter
volcomentlijck heeft vertegen ten behoeff van Pauwels voirscreven met overgeven
etc. ende heeft gelooft etc. wel verstaende dat dit erffe sal geweeght worden
.... over erffenisse hiertegens gedeijlt sijnde soo als recht is datum et
scabini ut supra.