Kennelijck zij eenen ijegelijcken dat voor ons schepenen
ondergeschreven sijn gecomen ende gecompareert in henne propre persoonen Adriaen
soone wijlen Adam Cornelis Sijmons ter eenre, ende Jan soone wijlen Michiel Adam
Cornelis Sijmons voirs ter andere zijden ende hebben van zeeckren henne
erffenissen een erffmangelinge gedaen in vuegen ende manieren hiernaer
beschreven volgende,
Overmits
der welcke soo sal die voirs Adriaenen vanden voirs Jannen hebben houden
ende erffelijck besitten een stuckxken erffs tot weije liggende hem
toebehoirende xvii roijen metter mate begrijpende gelegen binnen der prochie van
Tilborch ter plaetschen geheijten aende Postelstraet alsnu
tusschen erffenisse Peeter Jan Sijmons deen zijde ende tusschen erffenisse
Adriaens voirs. dander zijde, streckende vander erffenisse Denijs ... Daniels
totter gemeijnder strate ut dicebant (zoals zij zeiden) op welcke xvii roijen
erffenisse voirs de boven genoemde Jan volcomentlijck heeft vertegen ten behoeve
van Adriaenen Adam Cornelis Sijmons sijnen oom voirs met affgaen etc. warandiam
(te waren) ende dit overgeven affgaen ende dese erffmangelinge altijt vast etc.
ende alle commer etc.
datum iii aprilis 1599 scabini Borchmans et Swagemakers
Hiertegens soo sal die
voirschreven Jan vanden voirs Adriaenen sijnen oom hebben houden ende erffelijck
besitten een stuckxken erffs affgepaelt van sijne andere erffenisse een deels
tot saijlant ende een deels tot weije liggende, dit stuckxken xxix roijen metter
mate begrijpende gelegen binnen de prochie van Tilborch ter plaetschen geheijten
aende Postelstraet aldaer tusschen erffenisse sijns Jan Michielssoon voirs daer
dit tegens affgepaelt is deen zijde ende tusschen erffenisse Goijaert Matheus
Wouters dander zijde, streckende vande erffenisse Sijmon Peeter Jan Reijnen
totter erffenisse sijns Adriaens voirs daer dit oijck tegens affgepaelt is soo
zij seijden op welck stuckxken erffs voirschreven die boven genoempde Adriaenen
volcomentlijck heeft vertegen ten behoeve van Jannen soon wijlen Michiel Adam
Cornelis Sijmons voirs sijnen neeffen met affgaen etc. warandiam (te waren) ende
dit overgeven affgaen ende dese erffmangelinge altijt vast ende stentich te
houden ende in sijnen name te doen houden sonder ennich wederseggen ende all
commer of calangie daerop comende altemael aff te doen den selven datum et
scabnini ut supra.