Adriaen sone Cornelis Adriaen Somers als man ende
momboir Adriana sijnre huijsvrouwe, dochtere Niclaes Huijbert Smitten int
bijwesen desselfs Niclaes diewelcke in t gene hiernaervolght sijn tocht heeft
affgegaen tseste gedeelte ombedeijlt in alle ende ijegelijcke den erffelijcken
goeden naer doode des voirschreven Niclaes sijnre huijsvrouwe vader op hem te
vervallen waer tuschen wijens of tot wat plaetschen deselve gelegen sijn ofte
namaels bevonden sullen mogen wordden tware in hardden etc. ut dicebat legitime
(zoals hij zeide heeft wettelijck) etc. Jannen sone wijlen Wouter Cornelissoon
als man ende momboir Lucia sijnre huijsvrouwe dochtere Niclaes Huijbert Smitten
vs sijne swager met affgaen etc. promittens super se et bona dit verkopen
etc. ende allen commer etc. dwelcke aldus gedaen sijnde soo heeft die
voirschreven Adriaen ende Jan koopere beijde den voirschreven Niclaes wederomme
in sijn tocht gestelt ende geconsenteert dat hij deselve sal genieten ende
trecken als hij voir date deses gedaen heeft dach xxvii martij 1623 scabini
Graeff et Baerdwijck.